08. stjórnarfundur

23.ágúst 2024

Fundargerð stjórnar Félags eldri borgara Selfossi (11/2024).
Áttundi fundur stjórnar FEB Selfossi, haldinn föstudaginn 23.08.2024 í Uppsölum
í Grænumörk 5.

Mætt: Magnús J. Magnússon (MJM) formaður, Ólafía Ingólfsdóttir (ÓI) varaformaður, Elín Jónsdóttir (EJ) gjaldkeri, Guðrún Þóranna Jónsdóttir (GÞ) ritari, Ólafur Bachman (ÓB) meðstjórnandi, Ólafur Sigurðsson (ÓS) og Valdimar Bragason (VB) varamenn.

1. Fundur settur 10:30

2. Fundargerð síðasta fundar lögð fram, hún var samþykkt samhljóða.

3. Frístundamessa 31.08.24 í Selfosshöllinni. Sveitarfélagið Árborg mun standa fyrir árlegri frístundamessu í haust þar sem kynning verður á vetrarstarfi stofnanna og félaga sveitarfélagsins. FebSel hefur verið boðið að taka þátt í viðburðinum og mun þiggja að mæta og kynna starf félagsins. Þeir stjórnarmenn munu mæta sem eiga heimangengt.

4. Efni frá síðasta fundi. EJ hafði samband við yfirmann sundlaugarinnar og hann býður upp á einn tíma, 13:30 á fimmtudögum. Jógakennarinn mun skoða það. Varðandi dansinn hefur kennarinn ekki svarað, er trúlega að koma úr fríi. Farið yfir námskeiðin frá því í fyrra, flest heldur áfram á sama stað og sama tíma. Rætt um að fá námskeið í bridge fyrir áhugasama. MJM mun reifa þá hugmynd við forsvarsmann Bridgefélagsins á Selfossi. Það þarf að flytja postulínsnámskeiðið inn á austurganginn ÓI verður í sambandi við kennarann. GÞ mun tala við Einar Sumarliðason sem var með glernámskeiðin í nokkur ár og athuga hvort hann geti verið með þau í ár eða hvort hann geti bent á annan leiðbeinanda. ÓS fór í Nytjamarkaðinn til að kanna stöðu rýmis fyrir Karla í skúrum og talaði við þann sem er að vinna að aðstöðunni. Möguleiki er að starfsemin gæti hafist í vetur, ÓS mun segja frá stöðu mála á kynningarfundinum. Formaður Jórunn Helena og nokkrar konur frá Kvenfélagi Selfoss þiggja að mæta á fund með stjórn FebSel til að ræða áframhaldandi samstarf um kaffið.

5. Önnur mál
a) Stjórnin þakkar ferðanefndinni fyrir skemmtilega og vel skipulagða ferð í Árnes þann 20. ágúst.
b) ÓB mun athuga hjá forsvarsmönnu Hótel Selfoss hvort ekki allt standi sem samið var um fyrir árshátíðina 7. nóvember.
c) Viðburðanefnd – Ólafur S., Ísleifur, Guðfinna, Páll, Jónbjörg. Það þarf að fá einn í viðbót. Hugmyndir hafa komið til nefndarinnar um að fá fróðleik um Kaldaðanes, Alviðru og að sýna myndir frá Páli Skúlasyni, en hann á mjög mikið af góðum myndum. Einnig nefndi ÓS að tónlistaratriði hefðu verið vinsæl. GÞ sagði að kona á Eyrarbakka, Esther Helga Guðmundsdóttir, hefði tekið vel í að koma og vera með erindi um matarræði eða matarfíkn.
d) Stjórn Eldri borgara í Hvergerði kom til að skoða aðstöðu hér hjá FebSel. MJM sýndi þeim hana og bauð þeim að koma á Opið hús þegar þeim hentaði einhvern fimmtudag í haust.
e) Öldungarráðsráðstefna verður á Hótel Natura á vegum Landssambands eldri borgara 1. okt. Þangað verður öllum öldungaráðum landsins boðið.
6. Fundi slitið 11:25
Næsti fundur 06.09 kl. 10.30