13. stjórnarfundur

1.nóvember 2024

Fundargerð stjórnar Félags eldri borgara Selfossi (16/2024).

Þrettándi fundur stjórnar FEB Selfossi, haldinn föstudaginn 01.11.2024 í Grænumörk 5.

Mætt: Magnús J. Magnússon (MJM) formaður, Ólafía Ingólfsdóttir (ÓI) varaformaður, Elín Jónsdóttir (EJ) gjaldkeri, Guðrún Þóranna Jónsdóttir (GÞ) ritari, Ólafur Sigurðsson (ÓS) og Valdimar Bragason (VB). Forfallaður var Ólafur Bachman (ÓB) meðstjórnandi.

1. Fundarsetning. Formaður setti fund kl. 10:30.
2. Fundargerð síðasta fundar var lögð fram samþykkt.
3. Árshátið FebSel 07.11.24 verður á Hótel Selfoss Heiðursfélagar FebSel sem eru fimm fengu öll boð á árshátíðina með maka. Búið er að selja 130 miða,  húsið opnar kl. 18:15, matur er kl. 19:00, skemmtiatriði kl. 20:30, Leiklestur, Hörpukórinn syngur og Örn Árnason leikari skemmtir.
4. Aðventuhátíð 12.24 verður á Hótel Selfoss. Hátíðin hefst kl. 14:00 með dagskrá: hugvekja, leiklistargjörningur og söngur Hörpukórs. FebSel mun greiða niður veitingar þannig að veitingar verða 3.000 kr. á mann.
5. Afgreiðsla mála frá síðasta fundi.
6. Erasmus verkefni MJM hefur kynnt sér verkefnið og verið í sambandi við Sigríði Pálsdóttur deildarstjóri í BES. Hún hefur verið í tengslum við aðila í Póllandi sem hafa áhuga á að kynnast eldri borgurum í Árborg og nýta sér Erasmus verkefnið þar sem hægt er að sækja um styrki til að fjármagna ferðir og fleira.
7. Bingó – Trommlan hefur ekki verið til en hægt er að kaupa í spjöld svo að hægt væri að byrja. EJ mun ganga í málið.
8. Hvað er framundan? Í opnu húsi verður 14. nóv. verður atriði frá Tónlistarskóla Árnesinga, Sigrún Óskarsdóttir talar um Kínaferð 21. nóv. – Litlu jól verða þann 12. des. Þá verða súkkulaði og smákökur.
9. Önnur mál
10. Kjaramál – MJM leggur til að FebSel haldi fund um kjör eldri borgara fljótlega á næsta ári. Stjórn samþykkti það.
11. Abler – EJ hefur haft samband við félög eldri borgara varðandi forritið abler , svo virðist sem fá félög séu að nýta það. EJ mun hafa samband við Guðrúnu Guðnadóttur sem kynnti sér forritið í sinni tíð sem gjaldkeri og fá hennar álit.
12. Húsvörður verið ráðinn að Grænumörk 5, miðvikudaga frá kl. 13:00 – 15:00. Daníel pípari. Lena starfsmaður í Grænumörk mun hætta fljótlega ekki er vitað hvenær.
13. Guðni Ágústsson óskar eftir að sýna mynd um föður sinn sem tekur um hálftíma í sýningu. Dagskrá í opnu húsi er skipulögð þar til í febrúar. Hægt væri að finna tíma ef salurinn er laus á öðrum tíma. Vísað til viðburðanefndar.
14. Dagskráin hefur verið borið hingað í Grænumörk – en það hefur farist fyrir nú upp á síðkastið. MJM hefur komið því á framfæri við Prentmet.
15. Rætt um Karla í skúrum – Nytjamarkaðurinn hefur verið í skoðun en ÓS heldur að það gæti orðið þröngt þar fyrir verkefnið. Hann mun skoða hvort möguleiki væri á samstarfi við Rauða krossinn
16. Tilboð hafa borist frá tónlistarfólki um afslátt fyrir eldri borgara. Stjórnin telur að það sé ekki í verkahring hennar að auglýsa slík tilboð.
17. Öldungaráð – Örn Grétarsson hefur óskað eftir að hætta sem fulltrúi vegna persónulegra ástæðna GÞ sem er varamaður mun taka við af Erni og ÓI verður varamaður. Formaður öldungaráðs, Þórhildur Ingvadóttir verður gestur á næsta stjórnarfundi.

Fundi slitið kl.12:00

Næsti fundur 15.11 kl. 10.30

________________________________           ________________________________

Guðrún Þóranna Jónsdóttir                               Magnús J. Magnússon

ritari                                                                   formaður